2014 оны зуны “заавал-авах” жагсаалт

Нью Йоркийн гудамж, Парисын тайзан дээр хамгийн олон удаа “давхацсан”, чиний энэ зун заавал авч хувцас загварт зориулсан дурлалаа тэжээх ёстой хувцаснууд. Өө, хайрт хувцас загварын ертөнц минь, бидэнд хар өнгийн цээживч, хуниастай юбка, үдээстэй сандааль, поп-арт хүрмийг авчрахдаа яаж шунал хөдлөн, байж ядах талаар чи бодож үзсэнгүй юу?

1. Заавал-авах 1: Бомбер хүрэм. Биеийн тамирын хувцаснаас үүдэлтэй энэ хүрмийг улаан хивсэн дээр харсан ч гайхахааргүй болж. Энэ жил “bomber jacket” спорт бичгээ авч хаяад, шигтгээ, цэцэг зэрэг чимэглэлээр илүү эмэгтэйлэг болон сайжирчээ. Нэгийг авчихсан байхад зуны үл ялиг сэрүүн өдөр ямар ч хувцасныхаа гадуур шууд нөмрөөд гарч болно. Үнэхээр ямар ч хувцсан дээр зохицно шүү!

 

2. Заавал-авах 2: Хар өнгийн цээживч. Эсвэл заавал “хийх” гэдэг төрөлд ч орж магадгүй. Учир нь дэлгүүр гаралгүйгээр, өөрийн гэрт байдаг жирийн хар өнгийн футболкыг доороос нь тайраад ч ийм загвартай болгочих боломжтойгоороо онцлог. Цээживчний трендийг анхаарлын төвөөс холдох байх гэсэн хүлээлттэй байтал, харин ч өдрөөс өдөрт илүү хүчирхэгжиж байж. Эргэн тавтай морил! Уян хатан, хавтгай гэдсийг минь тодруулаг, загварлаг LBT (little black top) минь!

 

3. Заавал-авах 3: Шохойн өнгөт юу ч байсан хамаагүй.Хоёр жилийн өмнө гэнэт “цахиур хагалж” эхлэхэд нь л авчихдаг байж гэж үү? Гэхдээ одоо ч оройтоогүй. Уусгалттай, “сэрүүхэн” өнгөнүүд моодонд нэрээ улам сайн шигтгэнэ үү л гэхээс хуучрах болоогүй нь тодорхой харагдаж байгаа.  

 

4. Заавал-авах 4: Тунгалагжуулсан нь Зарим хэсгээрээ нэвт үзэгдэх, гэрэлтсэн торон оруулгатай цамц, юбка, даашинзны аль нь ч байж болно. Хөхний болон гуяны зураас бараг харагдахгүй. Тийм учраас хэтэрхий илэн далангүй юм гэж цааргалж болохгүй шүү. 

5. Заавал-авах 5: Цацагтай цүнх. Gucci, Valentino хоёр нэг л өдөр эмэгтэйчүүдийг цацагтай цүнхэнд дурлуулахаар шийджээ. Төлөвлөгөө ч амжилттай болсон юмсанж!

 

7. Заавал-авах 7: Үндсэн цагаан футболк. Жирийн нэг цагаан футболкны үүрэг хувцаслалтанд маань улам бүр давамгайлж эхэллээ. Чиний өмсөх ихэнх хувцастай зохицохоор, тэрхүү “төгс” цагаан футболк ийм шаардлагуудыг хангах ёстой: Сул хэлхгэрдүү загвартай, дээрээ ганцхан үгтэй эсвэл бүр хоосон, цэвэр даавуун материалтай. 

 

8. Заавал-авах 8: Тюллэн юбка. Энэ юбка загварын тайзан дээр харагдаагүй ч боловч фейшн блоггерууд үүнд хошуурч “дуусахгүй” байна. Тиймээс чиний шүүгээнд ч гэсэн яагаад байж болохгүй гэж? Бодож байгаагаас чинь ч олон удаа өмсөгдөнө шүү.  

 

9. Заавал-авах 9: Үдээстэй сандааль. Энэ зуны хамгийн тачаангуй өндөр өсгийтүүд бүгд үдээстэй байх болно.

10. Заавал-авах 10: Поп-арт хээ. Дүүгийнхээ уншдаг комик номон дээрх зургийг хувцсан дээрээ хэвлүүлж болох нь байна шүү. Поп зурагт ашиглагддаг тод өнгөнүүд загварын хотуудыг будаж байна. 

11. Заавал-авах 11: Бяцхан цүнх. Энэ цүнх бол чиний бичиг цаас, том тэмдэглэлийн дэвтэр, 100 мл-тэй үнэртэй усыг багтаахад зориулагдаагүй. Харин хувцаслалтыг чинь тодотгож, өдөр бүрийн стильд чинь жижигхэн чамин гэрэл тусгахаар бүтээгдсэн юм.